Santo Domingo.-Un ratu pasá e informashon a plama na Repúblika Dominikana indikando ku outoridatnan na Pto. Rico a konfiská un konteiner kargá ku riba 180 kilo di kokaina. E droga tabata skondé den algun silender. No a detené niun hende ainda, mirando ku niun hende no a asumí responsabilidat pa e konteiner i su karga, asina Listin Diario korant prinsipal di e pais di merengue ta informá.

Ta e ofisialnan di duana na frontera a deskubrí e kokaina. Ta kalkulá ku e droga tin un balor di mas o menos 3.6 mion dòler riba merkabo. Ta asina ku e funshonarionan a nota ku tin algu ku no ta parse bon i a base di esei a bai hasi investigashon riba e konteiner. Ta den esei ku nan a topa ku e blòkinan di kokaina.

E direktor di operashon di duana di Pto.Rico a mustra riba e importansia di e unidat na frontera pa protekshon di e frontera di e pais. Asina e tim ta sigui ku e kompromiso pa kombatí e impakto devastado ku droga tin riba e komunidat. (foto file)