Polis a realisá 9 detenshon

ORANJESTAD.-Polis di Aruba e aña aki tambe tabatin kontrol dirigí den tráfiko kontra korementu di outo bou di influensia di alkohòl. Den último lunanan Aruba tabata vários kaso di aksidente serio i asta ku morto debí na shofùrnan ku ta kore outo ‘bou di nan awa’. Teniendo kuenta ku e selebrashon di karnaval i su kulminashon ayera, polis motorisá a aktivá den kayanan na Aruba.

A kontrolá tantu promé, durante i despues di e parada grandi di Oranjestad. Den e kontrolnan aki a topa ku vários kaso ku mester a atendé. A kai nuebe detenshon. Kompará ku 2025 esaki a baha djis un tiki, pasobra aña pasá tabatin 13 detenshon pa hendenan ku ta kore un òf otro vehíkulo bou di influensia di alkohòl.