WILLEMSTAD.- Debí na motibu inesperá, Kor Maestronan Penshoná (KMP) mester a kanselá su konsierto di dia 1 di desèmber último. KMP ta gradisí tur esnan ku a kumpra i warda karchi, pa nan pasenshi. Ademas ke ekspresá gratitut na tur medio di prensa ku a duna su aporte pa den un ratu di ora, anunsiá e kanselashon ku a yega na e públiko ku tabata pendiente pa asistí na e konsierto. Naturalmente no por lubidá esnan ku a manda informashon via facebook.
Entretantu KMP ta partisipá ku sumo plaser e fecha nobo pa su konsierto, ku ta bira: djadumingu 29 di desèmber 2019 di 3.30 – 6.00 or p.m. den oula di edifisio di PWFC
KMP ta sigur ku manera ya a bira kustumber, públiko lo sa di gosa di otro di su konsiertonan ku un repertorio kompletamente nobo.
Elenko musikal di KMP lo risibí públiko for di 3.00 or ku su bunita piesanan.
Pa mas informashon tuma kontakto via telefòn: 737-3991.