WILLEMSTAD.- Tur kos ta praktikamente kla pa EXTRA, e korant na papiamentu mas grandi aki na Kòrsou i den Reino Hulandes presentá e kobertura mas amplio di Zomercarnaval 2023.

E tim di EXTRA formá pa Iva Coran, Tony Castro, Rilley Ignacio i Ruseño Sambo lo bai trese tur detaye di e evento di mas grandi bou di Antianonan ku ta Zomer Karnaval riba tur nos plataformanan digital.

Nos lo bishitá e Festival di Tumba Históriko ku homenahe na Hermanito Narvaez na Den Haag. Nos lo ta presente na yegada di studiantenan, beursalen.

Aserka lo tin kobertura di Jump In “Bash’e” na Villa Thalia ku presentashon di ICONS huntu ku Jeon i Roald Balentin. Na ‘Cray Cray Loko Loko’ Jump In na Maassilo di Precous Carnival Group tambe nos lo tei. Einan lo tin presentashon di Buleria, Gentz, Cache Royale ku Rei di Tumba Raey, Claudius Philips i Lady Lava.

‘Battle of Drums’ den Rotterdam, Kwakoe i diferente otro eventonan mas lo risibí nos bishita.

Kobertura di e eventonan Karnaval lo no tabata posibel sin nos spònsernan prinsipal ku ta Lover’s; Alcolado Glacial i Rom Tambú.

ALCOLADO GLACIAL

Alcolado Glacial tin un tremendo kampaña den kuadro di nan selebrashon di 75 aniversario kaminda lo tin 10 mil florin na premio. Bo tabata sa ku Glacial tin 24 aña ku e ta wòrdu bende na Hulanda den mas ku 200 toko i minimarket rònt Hulanda? Awor tur hende ku ta biba na Hulanda por bestèl nan bòter di Alcolado Glacial ‘on line’. Bishitá e página di Alcolado Glacial riba Facebook i Instagram: Glacial pa mas informashon.

Tira un bista riba e tim di Extra i ‘promo girls’ ku lo ta uniformá durante di parada di Zomercarnaval i pidi bo bòter di Alcolado Glacial pa bo refreská.