WILLEMSTAD.- Djasabra anochi durante dje elekshon di Reina, Prens i Pancho Grandi di Karnaval di Bándabou a tuma lugá tambe e koronashon di e embahadornan hubenil. ‘DEN E BEMBE’ a kombersá ku Lisette Jansen, presidente di FKBB i el a splika ku e aña aki nan no a risibí partisipante pa e elekshon hubenil loke a pone nan yega na e desishon pa nombra e embahadornan di 2017 pa 1 aña mas. Dje forma ei a koroná Caresse Alexander komo Reina di Karnaval Hubenil di Bándabou 2018 i e duo formá pa Liandro Martina i Shermel Dorothea komo Prens i Pancho Hubenil di Bándabou 2018. Riba fotonan bo por tuma nota dje momentu di koronashon.