WILLEMSTAD.- Ayera un gran kantidat di amigu konosí, empleadonan i famia a tuma despedida di un gran hòmber den persona di Lionel “Lio/Paps” Capriles.  A risibí bishita na su kas na SbN Doormanweg, despues e korteho fúnebre a pasa e filial di Banko Maduro na Punda, esun na Skalo i a sigui pa santana di hudiu na Berg Altena. Durante e parti di seremonia na kas, señor Amado Royer di Festival di Bario a duna e famia un rekonosimentu ku e organisashon ke a duna na Paps dia 30 desèmber último, i ku no tabata por. Ayera famia a tuma e plakat di rekonosementu pa Paps su atenshon na desaroyo sosial i bienestar di pueblo. Mesora a pone e plakat riba su kaha. Pas na su alma!