SANTIAGO DE CHILE.- Dia 6 pa 12 di novèmber último, a tuma lugá e Kampionato Suramerikano di Atletismo Masters na Santiago de Chile. E evento aki ta un kampionato regional i ta tuma lugá kada 2 aña. Atletanan Masters di 30 aña pariba ta kompetí den tur e disiplinanan di atletismo.

E aña aki e kampionato a tuma lugá na Chile kaminda tur e paisnan di Suramérika i mas 11 pais invitado a partisipá ku un total di 1722 atleta den 29 prueba. Kòrsou a partisipá ku 11 atleta komo pais invitado.

E atletanan di Kòrsou a partisipá den vários di e pruebanan, kaminda 8 atleta a gana un total di 19 medaya (8 oro, 7 plata i 4 bròns) ku ta repartí komo lo siguiente. Adhuntu por mira portrèt di nos atletanan ganador ku nan medaya.

William van Heyningen        

5 km marcha      Plata 31:07.47

10 km marcha    Oro 0:58:15.00

Salto largo Oro   5,21 m

Salto triple Oro  10,07 m

Aneke Middendorp

5 km marcha                Oro 36:42.30

10 km marcha              Oro 1:06:44.00

Vanesca Laker

5 km marcha                Oro 36:02.24

10 km marcha           Plata 1:07:44.00

Raynold Soliana

5 km marcha             Plata 28:37.85

10 km marcha           Plata 0:55:54.00

Elfried Laker

5 km marcha             Plata 29:29.06

10 km marcha Plata 0:56:54.00

Sherman Ferrero

5 km marcha  Brons 32:11.75

10 km marcha          Brons 0:59:16.00

Ronald Odendaal

Salto alto   Plata    1,15 m

Salto largo Plata    3,17 m

Salto triple Oro      7,66 m

Odette Doest

 Bala       Oro       9,44m

Jabalina Brons  20,73m

Tur aña e atletanan Masters di Kòrsou ta partisipá na 1 òf 2 kampionato internashonal bou di nan propio gastu, hasiendo un gran promoshon pa Kòrsou den eksterior. Ya kaba nan ta preparando pa bai partisipá otro aña na kampionato Mundial, ku lo tuma lugá na Malaga Spaña dia 5 pa 16 sèptèmber 2018. E atletanan di Kòrsou ta konta ku koperashon di tur instansia pa kontribuí ku e manera positivo aki di promové nos pais den eksterior.