REYNOSA - Kòrsou ku base yen den último ining pèrdí 6-5 komo ekipo di kas no ta logra hinka kareda i Venezuela ta gana e wega pa bira kampion Latino Americano di Intermediate League. Kòrsou tabatin chèns praktikamente tur ining komo ekipo di kas pero e bataso oportuno no tabata kai. E wega a bai 11 ining kompleto, ke men 4 ining extra di tenshon.

E último out a kai kaminda Venezuela a sorprendé un koredor di nos na tersera. Bon aktuashon pues di selekshon di Kòrsou ku a bira sup kampionato Latino Amerikano. Den edishon di djaluna nos tin mas detaye.