WILLEMSTAD.- Kòrsou ayera a pèrdè su di dos wega den e torneo sentro amerikano i di Karibe, esta Concacaf, ku skor di 2-0 kontra El Salvador. Kòrsou a sali agresivo pero El Salvador a probechá di skor ora ku Kòrsou a desperdisiá e momentunan oportuno. Nos no mester lubidá ku Kòrsou ta partisipá pa promé biaha den e torneo aki. Klaro nos tur ke pa e ekipo gana pero e resultado ta otro. E selekshon ta den un desaroyo hopi positivo. Ta bèrdat ku e ekipo a pèrdè 2-0 pero e lus positivo ta ku e onsena a duna futbòl. Nos mester keda positivo pa motibu ku te asta komentaristanan merikano tabatin elogio pa e forma ku Kòrsou a hunga.