WILLEMSTAD.- Den fin di siman último Federashon Vòlibòl Kòrsou (FEVOKO) a keda representá pa su presidente Elmer Pablo na Kongreso Statutario di CAZOVA (Caribbean Zonal Volleyball Association) na Montego Bay, Jamaica. E organisashon regional di vòlibòl na e okashon ei a reeligí Mushtaque Mohammed komo presidente te aña 2023. Tambe e ta keda komo vise presidente di NORCECA

E federashon karibense CAZOVA a keda fundá den aña 1994, ku Kòrsou komo un dje miembronan fundador.