WILLEMSTAD.- Kòrsou tin su kontrinkante pa kuart final di Gold Cup djadumingu 30 di yüni benidero. Merka ayera a gana 1-0 di Panamá i komo ganadó di Grupo D ta bai topa ku Kòrsou (nr. 2 Grupo C) den wega ku lo hunga na Philadelphia pa 8’or di anochi.

E mesun dia ei pa 17:30, Jamaica (Nr. 1-C) ta sali kontra di Panamá (Nr. 2-D).

E otro weganan kuart final lo ta djasabra: pa 19:00 Haiti (Nr. 1-B) v/s Canada (nr. 2-A) i pa 21:30 Mexico (Nr. 1-A) v/s Costa Rica (Nr. 2-B).

Ranking FIFA

Pa loke ta trata posishon dje ekiponan ariba menshoná riba ranking di FIFA, esaki ta komo siguiente: México 18, Merka 30, Costa Rica 39, Jamaica 54, Panamá 75, Kòrsou 79 i Haiti nr. 101.