WILLEMSTAD.- Pa di kuater aña sigui Kòrsou lo ta e sede di e sertámen ‘Miss Teen International H2O Ambassador’, bou di ouspisio di IBFF. E sertámen ku su promé edishon tabata na 2015 su meta prinsipal ta pa promové e uso konsiente di e material mas importante di Mundu ku ta Awa. E aña aki 20 pais lo manda un representante pa bin partisipá na e sertámen i p’asina for di nan skohe e susesor di Liz Escalante ku aña pasa a hiba e título México. Na México e sertámen a ser kategorisá na mesun nivel informativo ku Miss World México. IBFF ta trahando riba un programa amplio kaminda pa promé biaha lo traha huntu ku e kompanianan di ‘Seven Seas Water’ i tambe pa promé biaha lo organisá un ‘H2O Convention’ huntu ku ‘Water Commissie Curaçao’ kaminda huntu ku paisnan partisipante lo debatí kon ta e mihó manera pa konserva Awa. Entrante 4 di novèmber representantenan di diferente pais lo kuminsá yega Kòrsou. Keda pendiente pa mas informashon di tur loke tei pasa den e siman di ‘Miss Teen International H2O Ambassador 2018’