PUNTA CANA- Kòrsou Pabou a gana Cuba ku skor di 3 pa 1 den final p'asina bira kampion di Karibe di Beisbòl Little League. Den e semifinal Kòrsou Pabou a gana Kòrsou Pariba 2 pa 1. Tantu semifinal komo final a tuma lugá djasabra 9 di yüli den Stadion 1 i 2 na Punta Cana.  E picher Qshondrickson Doran a gana e wega final i bira MVP di e kampionato di Karibe di Little League. Ela picha e wega final kompletu. Delegashonnan di Little League huntu ku fanátikonan ta yega Kòrsou ku buelo charter djadumingu 10 di yüli pa 10'or am. Ta spera un pùbliko grandi i hopi fanátiko pa risibí e selekshon na aeropuerto di Kòrsou. Selekshon Pabou Little lo representá Karibe na Williamsport (USA) den e kampionato Mundial di Little League di 18 pa 28 ougùstùs 2022.

Pabien Little Pabou, pabien Kòrsou.