WILLEMSTAD.- Ayera nochi Akisha Albert a keda risibí na aeropuerto no solamente pa dignatarionan pero tambe pa un grupo basta grandi di pueblo di Kòrsou i sin konta esnan ku a sigui transmishonnan bibu di plantanan di televishon, wèpsait i retnan sosial. Despues dje resepshon na aeropuerto a sigui un rueda di prensa na Prime na Zuikertuin Mall kaminda den un ambiente mas trankil Akisha a gradisí henter e tim ku tabata kuné for di momentu di preparashon pa Miss Kòrsou i ku a sigui kere den dje pa su partisipashon na Miss Universe. Kòrsou su Reina a yega i nos ta pendiente awor pa den e dianan ku ta bai sigui pa tin mas enkuentro ku Akisha. Bon bini Akisha !.