REPUBLICA DOMINICANA.- Aktualmente Kòrsou tin tres hóben ku ta partisipando na e sertámen di ‘Miss Beauty World International 2018’ ku ta tumando lugá na República Dominicana.
E reinanan di Kòrsou, Hasty Isenia, Kares Alexander i Charayneli St. Jacoba ayera a logra di gana, kada un, e título máksimo di ‘Fiho Trahe di Fantasia’.
Kada un a lusi den nan kategoria pa dje forma ei konkista e premio. E trahenan ku e partisipantenan di Kòrsou a lusi a keda konfekshona pa Eddy Rambaldi.
Na final dje sertámen e turistanan ku ta hospedá den e hotèl kaminda e sertámen a tuma lugá tabatin e oportunidat pa saka potrèt ku e tres representantenan di Kòrsou. Aki e hóbennan a repartí algun opsekio di Ofisina di Turismo di Kòrsou pa e turistanan.
Riba foto nos por apresiá e hóbennan huntu ku nan preparado, Gionel Virginie i momentu ku nan ta saka potrèt ku algun turista.