WILLEMSTAD.- E temporada di mas dushi di aña tei atrobe, e temporada kaminda nos tur ke gosa pero na un manera sigur i sin tin ku molestiá nos kabes. Nos tur kier yega para un kaminda sin tin ku wòri ku mester karga stul, jug etc. òf unda nos ta bai parker. Durante karnaval 2018 Kòrsou ta bolbe bai gosa di Carnival Dome.
Curaçao Carnival Goes Global e aña aki atrobe ta brinda Kòrsou e produkto ku a wòrdu mirá mundialmente, e produkto ku TUR grupo di Karnaval kier pasa bou di dje, E produkto ku TUR hende kier ta parti di dje, pasó ta MUNDU kompleto lo wak ku bo tei.
Carnival DOME pa di 3 aña konsekutivo ta un realidat atrobe. DOME manera e ta konosí den boka di pueblo ta e área na Rooseveltweg kaminda henter e karnaval ta pasa bou di un dak tur na efekto di lus, huma, músika, premio, i hopi ambiente pa grandi i chikí por gosa.
Aña pasá karchi a kaba for di tempran pues e aña aki abo ku no tabata forma parti di e DOME lo no kier keda afó tòg?
Kada aña e DOME ta bai mehorando mas i mas dor ku nos ta skucha loke kada partisipante den e DOME aki trese dilanti, i asina mehorá e produkto pa ku nos klientenan.
Pa e aña aki kosnan lo bai ta mas mihó atrobe. DOME lo funshoná dianan di Tiner Parade, Gran Marcha i Marcha di despedida grandi. Pa e fechanan aki bo por kumpra karchi for di 50 florin pa dia.
E aña aki atrobe ta bai tin e day care (krèsh) pa mucha di entre 4 ku 12 aña. Kaminda e muchanan ta wòrdu entretené den un sala ku èrko pa lidernan profeshonal miéntras e mayornan por gosa masha dushi mes di e marchanan di Karnaval.
E aña aki DOME a parti su mes den un sekshon di sinta, un sekshon pa para i tambe un TOWER VIP ku bo por para te den top aya i mira e marchanan i alabes gosa ku tur hende tambe por mira bu lusi den e “Tower VIP”.
Pues un pakete kompleto di kos di kome, kos di bebe, T-shirt, seguridat, parkeo ku transporte spesial pa i for di DOME, mas e ambiente úniko, ta 1 kaminda so bo por haña esaki. Carnival DOME kaminda e fiesta TA!
Pa mas informashon  bo por subi www.tds.live òf www.CCGGOFFICIAL.COM òf tambe bo por yama tambe na 564-2244.
Karchi ta disponibel na 24 uur uit de Muur, Van Den Tweel, Mensings Caminda, Beep Beep, DOME, FUNMILES i TDS. Pa kompanianan i òf gruponan di mas ku 15 persona, tambe tin un preis spesial. Tuma kontakto ku e number di telefòn menshoná di DOME.

Do you wanna go out òf your mind? Be at The Curaçao Carnival DOME.