WILLEMSTAD – FIFA a kaba di emití e tabla di posishon nobo pa loke ta luna di yüli. E selekshon nashonal di futbòl di Kòrsou a mantené su posishon na puesto 79. A risibí 7 voto mas aserka pero esei no tabata sufisiente pa mehora e posishon riba e tabla aki. E tabla di posishon ku ta di sumo importansia pa e selekshon di Kòrsou ta esun di Concacaf mirando sistema nobo di klasifikashon pa Mundial di Qatar 2020.  E promé 6 ekiponan di Concacaf lo bataya pa 3 puesto pa Mundial 2020 i djei sobra paisnan di Concacaf lo bataya pa mitar puesto i un ruta kasi imposibel pa Mundial. Kòrsou a mantené e puesto #9 riba e tabla di posishon di Concacaf apesar di un bon prestashon den Gold Cup 2019. Kòrsou a aserka Canada i awor ta 4 punto nan tras pero di otro banda Haiti a aserka Kòrsou tambe i awor ta solamente 21 punto nos tras. Weganan di Nations League próksimamente kontra di Haiti i Costa Rica lo ta determinante pa e posishon di Kòrsou pa drenta den Top 6 di Concacaf. Tantu Honduras i El Salvador ketu bai ta dilanti di Kòrsou apesar ku nos selekshon tabatin un mihó resultado den Gold Cup 2019.

Tabla di Posishon di Concacaf

1. 
   

2. Mexico 1604

3. 
   

4. USA    1548

5. 
   

6. Costa Rica 1445

7. 
   

8. Jamaica 1425

9. 
   

10. Honduras 1350

11. 
    

12. El Salvador 1342

13. 
    

14. Panama 1331

15. 
    

16. Canada 1312

17. 
    

18. Curaçao 1309

19. 
    

20. Haiti 1309

21.