WILLEMSTAD – Awe FIFA a emití e tabla di posishon nobo pa loke ta luna di ougùstùs. E selekshon nashonal di futbòl di Kòrsou a mehora su posishon na puesto 76 kompará ku 79 di luna pasa. E luna aki a risibí 11 punto mas aserka. E tabla di posishon ku ta di sumo importansia pa e selekshon di Kòrsou ta esun di Concacaf mirando sistema nobo di klasifikashon pa Mundial di Qatar 2020.  E promé 6 ekiponan di Concacaf lo bataya pa 3 puesto pa Mundial 2020 i djei sobra paisnan di Concacaf lo bataya pa mitar puesto i un ruta kasi imposibel pa Mundial 2020. Kòrsou a mehora su puesto aki tambe i awor ta na #8 riba e tabla di posishon di Concacaf kompará ku # 9 di luna pasa. Esaki sigur danki na e bon prestashon den Nations Cup 2019 ku un viktoria na kas riba Haiti i un empate afó na Haiti. Kòrsou a aserka Canada aun mas tantu awor na 2 punto nan tras pa e di 7 puesto. Importante ta ku Kòrsou a pusha Panama nos tras i a distansia nos mes mas leu for di Haiti, awor ku 43 punto di diferensia. Weganan di Nations League próksimamente kontra Costa Rica lo ta determinante pa e posishon di Kòrsou pa drenta den Top 6 di Concacaf.

Tabla di Posishon di Concacaf

1. 
   

2. Mexico 1603

3. 
   

4. USA    1545

5. 
   

6. Costa Rica 1442

7. 
   

8. Jamaica 1435

9. 
   

10. Honduras 1359

11. 
    

12. El Salvador 1327

13. 
    

14. Canada 1322

15. 
    

16. Curaçao 1320

17. 
    

18. Panama 1316

19. 
    

20. Haiti 1277

21.