REPUBLICA DOMINICANA.- Un tribunal na Santiago, República Dominicana a duna òrdu di suspenshon, distribushon i komersialisashon di tres kansion di e merenguero Alá Jazá ku ta den un disputa hudisial.
E kansionnan ‘Me quieren ver mal’; ‘Hablando de mi’ i ‘Nadie se meta’ ta wòrdu prohibí, esaki basá riba demanda di derechi di outor hasí dor di e kompositor, Sócrates Elayne Regalado Ventura.
Segun e alegashon e temanan ku a keda suspendé tin Regalado Ventura, konosí komo ‘Zibao’ komo ko-outor. E kompositor ta reklamá pago di 50% di tur ganashi di difushon i benta generá pa e kansionnan.
E artista lo mester paga 10 mil peso pa kada dia ku e no kumpli ku e desishon di Korte Dominicano.