WILLEMSTAD.- Pa di 9 aña konsekutivo grupo di baile Krea Dansa i Krea Dansa 4 Kids bou di direkshon di Dennis Puriel ta presentá nan show anual ku e aña ta titulá ‘Fantasia’.
Krea Dansa ta ekstendé un invitashon na pueblo di Kòrsou pa bin eksperensiá un wikènt yená ku arte di palabra, drama, músika i prinsipalmente baile.
Presentashon di ‘Fantasia’ ta tuma lugá riba djabièrnè, 14 di desèmber pa 8 or di anochi, djasabra 15 di desèmber pa 4.30 di atardi i 8 or di anochi na La Tentashon.
Karchi ta optenibel serka miembronan di Krea Dansa i na porta di La Tentashon.