WILLEMSTAD.- E artista ‘Kes’ di Trinidad a produsí pa temporada di Karnaval 2018 e kansion ‘Hello’ ku a bira un hit rònt Karibe i ku awor a kuminsá ta zona tantu na Aruba komo na Kòrsou.‘Hello’ su produkshon original tin ‘soca’ komo ritmo i ta areglá den un forma masha komersial ku algun brek i ritmo pegahoso.
K’ribe a traha riba un ‘cover’ di ‘Hello’ ku merengue komo ritmo riba kua John Francis a interpretá e piesa. Di su banda Buleria a produsí un adaptashon di ‘Hello’ ku kanto di Buddy i Reintje Rock. Tur dos ta zona bon!