WILLEMSTAD.- K’RIBE band ku “Drai Bai” un biaha mas ta trese un kansion propio riba merkado. Esaki ta un bes mas un kansion positivo i alegre, dediká na E persona ku ta buta bo mundu "Drai Bai" i duna bo E gana di sigui lucha pa bai dilanti.
“Drai Bai” ta un "Merengue a la K’RIBE" manera nan mes ta yam’é ku un zonido úniko manera nos ta kustumbrando di nan ya pa mas ku 2 aña ku nan ta establesé na Kòrsou bèk.
E kansion aki a wòrdu komponé pa Miyolou Sleur ku ta konosí di entre otro “Mi tambe tiné” i “Rondó Rondó”. E areglo di “Drai Bai”, mixing i mastering e biaha aki tabata un kombinashon entre John Francis Jacobs i Rudsel Comenencia (JF/FQ Productions).
Ainda no ta kla, pasó ta awó e trein a start pa e aña aki segun Renan Alberto, kabesante/trompetista di e Latin Caribbean band.
K’RIBE selebrando su di 6 aña di eksistensia tambe ta preparando kaba pa nan ZomerTour anual den full e luna di yüli na Ulanda i Bèlgika.
K'RIBE den gran forma manera nan lema ta bisa #AsiSeGoza.