WILLEMSTAD.-  E entertainment band K’ribe ta sigui produsí kansionnan nobo. Despues ku Yumarya Grijt a interpretá “Mi tambe tin’e”, awor ta toka turno na Carls Manuel pa lansa ‘Soñando Despierto’, un bachata ku letra masha bunita.
E hòmber soñando a lanta i ta topa tur loke e tabata deseá, banda di dje.
‘Soñando Despierto’ ta un komposishon di Carls Manuel i Quincy Comenencia, areglo tambe tabata na enkargo di Carls i Quincy.
E kansion tin tur ingrediente pa bira un éksito. Kanta na Spañó i Ingles e tin tur potensial pa konkista e merkado lokal.