WILLEMSTAD.- Trempan ta benta i mirando ku falta presis un luna pa Karnaval 2018 ranka sali K’ribe ta bin kaya ku un tremendo ‘roadfire’ den bos di nada mas i nada ménos ku e ikono di ‘roadfire’, Albertico ‘Tico’ Libiee komo artista invitá spesial pa e proyekto musikal aki.
‘Rondó Rondó’ ta un komposishon di Tico Libiee i Miyolou Sleur ku a keda areglá pa Derrel ‘Titi’ de Palm. Produkshon tabata den man di John Francis Jacobs i Renan Alberto, miéntras ku Angelo ‘Borrel’ Dopwell tabatin ‘mix i mastering’ na su enkargo.
‘Rondó Rondó’ un ‘roadfire’ original di K’ribe ya a kuminsá zona na radio.