WILLEMSTAD.- K’RIBE (bisa KA-ribe), un banda ya no deskonosí na Kòrsou ta keda bin ku su produkshonnan a la “Feel Good”, e bia aki den bos di Yumarya Grijt i e multitalentoso arubano, John Francis Jacobs, K’RIBE ta presentá un cover titulá “Ni Abo Ni Ami” re-Arranged pa Rudsi “Boeis” Comenencia. E vershon aki, di e original "Ni Tu Ni Yo" di JLO i Gente de Zona, a wòrdu hinká den e bachi di Ritmo Kombiná a la K’RIBE. Den e mesun rosea Renan Alberto (manager) a apuntá ku komienso di novèmber lo bini ku un Roadfire propio ku tambe ta forma parti de e albùm “K’RIBE COCKTAIL 2017" rumbo pa ku Karnaval 2018. Pa keda al tanto di K’RIBE band su pasonan òf presentashonnan bo por chek nan riba tur media Sosial bou di KRIBEBAND. Pa mas informashon òf booking por kontaktá K’RIBE na KRIBEBAND@gmail.com pero primeramente ban gosa di “NI ABO NI AMI” pasó nan ta demostrando ketu bai ku “Con K’RIBE, asi se Goza!"