Krioyonan den MLB (1 & 2 di September)

Deporte

Profar ku 4 hit ayera di kual honron i dos doblete

Jurickson Profar (Rangers) djasabra a bai di 3-0 ku 1 kareda anotá i 1 base por bola risibí. Ayera a bai di 5-4 ku 3 kareda anotá i 2 empuhá. El a konektá su di 15 honron di temporada I tabatin dos doblete tambe.

Kenley Jansen (Dodgers) djasabra a sala su di 34 wega di temporada tirando 1 ining sin permití kareda ni hit. El a poncha un bateador. Ayera el a gana su promé wega di temporada tirando 1 ining sin permití kareda ni hit i poncha 1 bateadó.

Ozhaino Albies (Braves) djasabra a drenta wega komo remplasante defensivo i no a risibí turno na bate. Ayera a bai di 4-2 ku 1 kareda empuhá. El a roba su di 13 base di temporada.

Andrelton Simmons (Angels) djasabra a bai di 4-0 i ayera a bai di 5-1 ku otro bunita hungada defensivo den shòrt.

Jonathan Schoop (Brewers) djasabra a bai di 3-2 ku ku 1 kareda anotá i 1 kareda empuhá. El a konektá su di 21 doblete di temporada. Ayera a bati komo emergente i a bai di 1-0.

Xander Bogaerts (Red Sox) djasabra a bai di 3-0 ku 1 base por bola. Ayera a bai di 3-2.

Didi Gregorius (Yankees) riba lista di hungadónan leshoná. Awe lo tende si Yankees lo aktiva Didi pa e por kuminsa huga bek.

Lupa riba Liga Menor

Shervyen Newton, SS (Kingsport Mets, afiliashon Rookie League di New York Mets) a bai di 3-1 ayera ku 1 kareda anotá. Su ekipo a kai vensí den playoff i esei ta marka final di temporada.

Jonathan Willems, 3b (Greeneville Reds, afiliashon Rookie League di Cincinnati Reds) temporada a finalisá. Willems a kaba ku un averahe di .263 ku ta produkto di 57 hit (di dos mas tantu den e ekipo) den 217 turno na bate. E tabatin 13 doblete (lider den ekipo), 4 tripel (lider di ekipo) i 8 honron konektá(di dos mas tantu den ekipo). El a anotá 30 kareda (di dos di ekipo) i empuhá 39 ku tabata a hasié lider di e ekipo den e kategoria aki.

Sherten Apostel, 3b (Spokane Indians, afiliashon Rookie League di Texas Rangers) a bai di 4-2 ku 1 kareda anotá ayera

Curt Smith, Dashenko Richardo i Shairon Martis (Lincoln Saltdogs, Liga Independiente) Smith a bai di 3-1 ayera ku su di 15 honron di temporada. Ricardo ni Martis no a mira akshon ayera.

Raysheandall Michel i Kevin Jospehina (Rome Braves, afiliashon Klase A di Atlanta Braves) Josephina a bai di 4-1 ayera i Michel no a mira akshon.

Juremi Profar (Frisco RoughRiders, afiliashon Dòbel A di Texas Rangers) a bai di 4-0 ayera.

Kirvin Moesquit (Delmarva Shorebirds, afiliashon Klase A di Baltimore Orioles) a bai di 2-1 ku 1 kareda anotá i 2 base por bola risibí. El a konektá su di 18 doblete di temporada.

Hendrik Clementina (Dayton Dragon, afiliashon Klase A di Cincinnati Reds) a bai di 5-2 ku 1 kareda anotá.

Darren Seferina (Wisconsin Timber Rattlers, afiliashon Klase A di Milwaukee Brewers) a bai di 3-1 ayera.

Urwin Juaquin (Billings Mustangs, afiliashon Rookie League di Cincinnati Reds) a drenta wega komo remplasante defensivo i a bai di 1-0.

John Polonius, 2b (Richmond Flying Squirrels, afiliashon Dòbel A di San Francisco Giants) no a mira akshon ayera.

Stephen Vidal, C (Arizona League Royals, afiliashon Rookie League di Kansas City Royals) temporada a finalisá. Vidal a terminá ku averahe di .286 ku ta produkto di 12 hit den 42 turno na bate.

Aldrich De Jongh, OF (Arizona League Dodgers, afiliashon Rookie League di los Angeles Dodgers) djasabra a bai di 5-2 I su ekipo a bira kampion di Arizona League i asina finalisando temporada 2018.

Edmond Americaan, OF (Arizona League Cubs, afliasihon Rookie League di Chicago Cubs) a bai di 4-1 ku 1 kareda anotá den wega final di Arizona League.

Phildrick Llewellyn i Wendell Floranus (Quebec Capitales, Liga Independiente) a bai di 3-2 ayera ku 1 kareda anotá.

Hungadónan ku no a mira akshon

Ademar Rifaela (Bowie Baysox, afiliashon Dòbel A di Baltimore Orioles)
Jair Jurrjens (Long Island Ducks, Liga Independiente) ta riba lista di hungadónan leshoná
Chris Pieters (Myrtle Beach Pelicans, afiliashon Klase A di Chicago Cubs) ta riba lista di hungadónan leshoná
Sharlon Schoop (Norfolk Tides, afiliashon Tripel A di Baltimore Orioles) ta riba lista di hungadónan leshoná

Play of the day

Na Hapon

Coco Balentien (Yakult Swallows) ayera a bai di 4-1 ku 2 kareda empuhá.