Ozzie grandi riba un dia grandi pe ayera

Ozhaino Albies (Braves) a bai di 4-1 ku 1 kareda anotá i a konektá su di 38 doblete di temporada. Tabatin dos bon hungada den defensa tambe na segunda. Ademas el a kompletá dos double play. Ozzie ta bira e di 5 hungadó e dékada aki pa konektá 65 extra base promé ku a kumpli 22 aña di edat. Braves su number mágiko awor pa yega playoff ta na 10. Si sigui asina Ozzie Albies, den su di dos temporada ku Braves ya ta bai playoff.

Kenley Jansen (Dodgers) a tira un ining ayera den un situashon di no salba wega. El a tira 1 ining sin permití kareda ni hit i a poncha 1 bateadó.

Andrelton Simmons (Angels) a bai di 3-3 ayera ku 2 kareda empuhá i 1 kareda anotá. El a risibí 1 base por bola tambe.

Jurickson Profar (Rangers) a bai di 4-1 ayera.

Didi Gregorius (Yankees) a bai di 4-0 ayera.

Xander Bogaerts (Red Sox) a bai di 4-1 ayera. Red Sox ku e victoria ayera a sigurá nan puesto den post temporada 2018.

Jonathan Schoop (Brewers) no a mira akshon ayera.

Play of the day

Na Hapon

Coco Balentien (Yakult Swallows) a bai di 3-0 ku 2 base por bola risibí.

Na Taiwan

Roger Bernadina (Kia Tigers) a bai di 4-0 ayera.