Didi i Ozzie ta destaká

Ozhaino Albies (Braves) a bai di 5-1 ku su di 2 grandslam di temporada i a empuhá 4 kareda i asina a yega 40 empuhá e temporada aki. Tabata su di 16 honron di 2018

Albies riba su grandslam

Didi Gregorius (Yankees) a bai di 4-2 ku dos honron empuhando 2 kareda i anotá 2. Tabata su di 12 i 13 honron di 2018. Tambe ta di tres biaha e temporada aki ku Didi a konektá dos honron den un wega

Manager Boone riba aktuashon di Didi

Jonathan Schoop (Orioles) a bai di 4-1 ku un kareda anotá i un base por bola. https://www.mlb.com/orioles/video/wynns-catches-moreland-stealing/c-2147944983?tid=8879234

....Jonathan Schoop.....

Xander Bogaerts (Red Sox) a bai di 3-1 ku dos kareda anotá i a risibí dos base por bola

Jurickson Profar (Rangers) a bai di 5-1 ayera.

Andrelton Simmons (Angels) a resumí algun aktividat di beisbòl despues di a sufri e leshon na su ènkel (segundo grado). Únikamente e no ta kore ainda.

Kenley Jansen (Dodgers) no a mira akshon ayera.

Lupa riba Liga Menor

Juremi Profar (Frisco RoughRiders, afiliashon Doble A di Texas Rangers) a bai di 4-0 ku un kareda anotá.

Ademar Rifaela i Sharlon Schoop (Bowie Baysox, afiliashon Doble A di Baltimore Orioles), Rifaela a bai di 3-1 I un base por bola risibí miéntras ku Schoop a bai di 3-1 ku un honron konektá.

Kirvin Moesquit (Delmarva Shorebirds, afiliashon Klase A di Baltimore Orioles) no a mira akshon ayera.

Hendrik Clementina (Dayton Dragon, afiliashon Klase A di Cincinnati Reds) no a mira akshon ayera.

Raysheandall Michel (Florida Fire Frogs, afiliashon Klase A di Atlanta Braves) no a mira akshon ayera.

Play of the day

Na Hapon

Coco Balentien (Yakult Swallows) a bai di 3-1 ku dos kareda empuhá i un base por bola.

Na Taiwan

Roger Bernadina (Kia Tigers) a bai di 2-1 ku dos kareda anotá i un base por bola risibí.