Krioyonan den MLB (14 di ougùstùs)

Deporte

Profar komo kuarto bate ayera a produsi

Jurickson Profar (Rangers) a bai di 3-2 ku 2 kareda empuhá riba su di 6 tripel di temporada i su di 27 doblete di 2018. E tabatin un fly di sakrifisio tambe pa empuhá un di e karedanan.

Ozhaino Albies (Braves) a drenta bati komo emergente den di 7 ining i a bai di 1-1 ku 1 kareda anotá.

Didi Gregorius (Yankees) a bai di 4-1 ayera.

Andrelton Simmons (Angels) a bai di 4-0 ayera.

Jonathan Schoop (Brewers) a drenta bati komo emergente den di 9 ining i a bai di 1-0.

Xander Bogaerts (Red Sox) a bai di 4-1 ayera.

Kenley Jansen (Dodgers) lo ta for di akshon pa por lo ménos un luna pa por sigui tratamentu di batimentu iregular di kurason. Segun gerensia di Dodgers, e picher yu di Kòrsou ta rekuperando satisfaktoriamente. Den un entrevista Jansen a bisa ku e mes a yama emergensia na momento ku el a sinti su kurason ta bati iregular. Tambe ku dòkternan mester a dal e un shòk di koriente pa stabilisá e kurason bek. Awor e ta sinti su mes hopi bon i asta el a tira 16 bala den bulpen ayera den un seshon di práktika. E dia promé ku el a sinti su mes malu e a tabatin malu di stoma i e ta kere el a dihidrita i esaki mas bien tabata e kousa di tur kos i no e altitud na Denver.

Lupa riba Liga Menor

Sherten Apostel, 3b (Bristol Pirates, afiliashon Rookie League di Pittsburgh Pirates) a bai di 3-0 ayera ku 1 base por bola risibi.

Juremi Profar (Frisco RoughRiders, afiliashon Dòbel A di Texas Rangers) a bai di 2-0 ayera ku 1 base por bola.

Ademar Rifaela (Bowie Baysox, afiliashon Dòbel A di Baltimore Orioles) a bai di 2-0 ayera ku 1 base por bola risibí.

Hendrik Clementina (Dayton Dragon, afiliashon Klase A di Cincinnati Reds) a bai di 4-1 ku 2 kareda empuhá riba su di 17 honron di temporada.

Darren Seferina (Wisconsin Timber Rattlers, afiliashon Klase A di Milwaukee Brewers) a bai di 4-1 ku su di 3 honron di temporada.

Urwin Juaquin (Billings Mustangs, afiliashon Rookie League di Cincinnati Reds) a drenta komo kambio defensivo.

John Polonius, 2b (Richmond Flying Squirrels, afiliashon Dòbel A di San Francisco Giants) a bai di 3-0 ayera.

Hungadonan ku no a mira akshon ayera

Shervyen Newton, SS (Kingsport Mets, afiliashon Rookie League di New York Mets)
Jonathan Willems, 3b (Greeneville Reds, afiliashon Rookie League di Cincinnati Reds)
Curt Smith, Dashenko Richardo i Shairon Martis (Lincoln Saltdogs, Liga Independiente)
Raysheandall Michel i Kevin Jospehina (Rome Braves, afiliashon Klase A di Atlanta Braves) Ni Josephina ni Michel no a mira akshon ayera.
Kirvin Moesquit (Delmarva Shorebirds, afiliashon Klase A di Baltimore Orioles) Stephen Vidal, C (Arizona League Royals, afiliashon Rookie League di Kansas City Royals)
Aldrich De Jongh, OF (Arizona League Dodgers, afiliashon Rookie League di los Angeles Dodgers)
Edmond Americaan, OF (Arizona League Cubs, afliasihon Rookie League di Chicago Cubs)
Phildrick Llewellyn i Wendell Floranus (Quebec Capitales, Liga Independiente)
Juan Carlos Sulbaran (Winnipeg Goldeyes, Liga Independiente)
Jair Jurrjens (Long Island Ducks, Liga Independiente)
Chris Pieters (Myrtle Beach Pelicans, afiliashon Klase A di Chicago Cubs) ta riba lista di hungadónan leshoná.
Sharlon Schoop (Norfolk Tides, afiliashon Tripel A di Baltimore Orioles) ta riba lista di hungadónan leshoná.