Krioyonan den MLB (15 di ougùstùs)

Deporte

Kenley ku su promé seshon bek riba montikulo

Kenley Jansen (Dodgers) a tuma un paso importante den su regreso ora ku ayera pa promé biaha el a picha for di montikulo i enfrentá algun bateadó den un seshon di simulá. Djaluna el a tira 16 lansamentu i ayera a tira 25. Kenley ta rekuperando ketu bai di e problema ku el a sinti ku batimentu iregular di kurason. Djaluna dia 20 di ougùstùs e tin ku bai bek pa un kontrol serka dòkter i Dodgers por bisa kiko ta bira e siguiente paso. Kenley mes ta bisa ku e ta sinti su mes bon.

Didi Gregorius (Yankees) a bai di 2-0 ku 1 base por bola risibí i ku otro hungada defensivo.

Andrelton Simmons (Angels) a bai di 4-2 ku 1 kareda empuhá.

Jonathan Schoop (Brewers) a bai di 4-1 ku 1 kareda empuhá i 1 kareda anotá riba su di 20 doblete di temporada.

Xander Bogaerts (Red Sox) a bai di 3-1 ayera ku 1 base por bola risibí tambe ku un bunita hungada defensivo.

Ozhaino Albies (Braves) a bai di 4-0 ayera.

Jurickson Profar (Rangers) no tabatin wega ayera.

Lupa riba Liga Menor

Curt Smith, Dashenko Richardo i Shairon Martis (Lincoln Saltdogs, Liga Independiente) Smith a bai di 3-2 ku su di 15 honron di temporada ku dos kareda anotá, Ricardo no a mira akshon i Martis a resultá e picher ganador tirando 4 ining sin permití kareda i solamente 1 hit i poncha 1 bateadó i duna 1 base por bola.

Raysheandall Michel i Kevin Josephina (Rome Braves, afiliashon Klase A di Atlanta Braves) Josephina a bai di 3-0 i Michel a bai di 1-1 ku 1 kareda anotá i a risibí 2 base por bola.

Juremi Profar (Frisco RoughRiders, afiliashon Dòbel A di Texas Rangers) a bai di 4-3 ku su di 8 honron di temporada

Kirvin Moesquit (Delmarva Shorebirds, afiliashon Klase A di Baltimore Orioles) a bai di 3-1 ku 1 kareda empuhá i un fly di sakrifisio

Hendrik Clementina (Dayton Dragon, afiliashon Klase A di Cincinnati Reds) a bai di 3-0 ku 1 kareda empuhá riba un fly di sakrifisio

Darren Seferina (Wisconsin Timber Rattlers, afiliashon Klase A di Milwaukee Brewers) a bai di 1-0 ku 1 kareda anotá i 3 base por bola risibí. El a roba su di 11 base di temporada

John Polonius, 2b (Richmond Flying Squirrels, afiliashon Dòbel A di San Francisco Giants) 3-1 ku 2 kareda anotá i 1 base por bola risibi

Stephen Vidal, C (Arizona League Royals, afiliashon Rookie League di Kansas City Royals) a bai di 3-2 ku 1 kareda anotá i 1 kareda empuhá. El a konektá su promé doblete di temporada

Aldrich De Jongh, OF (Arizona League Dodgers, afiliashon Rookie League di los Angeles Dodgers) a bai di 4-2 ku 2 kareda anota, 1 kareda empuhá riba 2 doblete

Edmond Americaan, OF (Arizona League Cubs, afliasihon Rookie League di Chicago Cubs) a bai di 3-0 ayera

Phildrick Llewellyn i Wendell Floranus (Quebec Capitales, Liga Independiente) a bai di 4-0 ayera.

Hungadónan ku no a mira akshon ayera

Urwin Juaquin (Billings Mustangs, afiliashon Rookie League di Cincinnati Reds)
Shervyen Newton, SS (Kingsport Mets, afiliashon Rookie League di New York Mets)
Jonathan Willems, 3b (Greeneville Reds, afiliashon Rookie League di Cincinnati Reds)
Sherten Apostel, 3b (Bristol Pirates, afiliashon Rookie League di Pittsburgh Pirates)
Ademar Rifaela (Bowie Baysox, afiliashon Dòbel A di Baltimore Orioles)
Juan Carlos Sulbaran (Winnipeg Goldeyes, Liga Independiente)
Jair Jurrjens (Long Island Ducks, Liga Independiente)
Chris Pieters (Myrtle Beach Pelicans, afiliashon Klase A di Chicago Cubs) ta riba lista di hungadónan leshoná
Sharlon Schoop (Norfolk Tides, afiliashon Tripel A di Baltimore Orioles) ta riba lista di hungadónan leshoná