Krioyonan den MLB (18/19 di ougùstùs)

Deporte

Didi Gregorius ta empuhá unu i ta leshoná su hilchi

Didi Gregorius djadumingu mester a bandoná e partido di New York Yankees kontra di Toronto Blue Jays i a keda hibá hospital pa loke a mènedjer Aaron Boone a bisa ku ta un sla basta mahos na su hilchi robes ku por pone ku e por subi lista di hungadónan inkapasitá. Gregorius a sufri e leshon aki den e promé entrada, ora ku den un choke ku e primera base di Blue Jays Kendry Morales riba un bataso den infield. E la keda eksaminá pa e masahista di Yankees i a keda den wega i a bin anotá un kareda. Boone a bisa: ”Ta algu ku nos mester keda monitoria durante di e pròksimo 24 ora. Esaki por pone ku e por subi DL”.
Esaki ta pone ku NY Yankees ta sin tres di su tres hungadónan mas importane di nan alineashon Gregorius, Aaron Judge i Gary Sanchez.

Kenley Jansen (Dodgers) aawe mester bishitá un kardiologo pa mira si e ta haña permiso pa por kuminsá picha.

Andrelton Simmons (Angels) djasabra a bai di 5-0 i djadummingu Simmons a bai di 4-1 ku un ponche.

Jonathan Schoop (Brewers) djasabra a bai di 1-0 ku un ponche i ayera no a hunga pa Brewers.

Xander Bogaerts (Red Sox) djasabra a bai di 2-0 ku un kareda anotá i djadumingu e la bai di 2-1 ku un base por bola.

Ozhaino Albies (Braves) djasabra a bai di 5-1 i djadumingu di 4-0.

Jurickson Profar (Rangers) djasabra no a hunga i ayera a bai di 5-1 ku un ponche.

Lupa riba Liga Menor

Shervyen Newton, SS (Kingsport Mets, afiliashon Rookie League di New York Mets) djasabra a bai di 3-0 ku un kareda empuhá.

Jonathan Willems, 3b (Greeneville Reds, afiliashon Rookie League di Cincinnati Reds) djasabra no a haña turno nab a te pero a partisipá si den e partido den lat. Djadumingu e la bai di 2-0 pa pone su promedio na .278.

Sherten Apostel, 3b (Bristol Pirates, afiliashon Rookie League di Pittsburgh Pirates) djasabra a bai di 4-1, un kareda anotá, un empuhá, un honron konektá i 3 ponche.

Curt Smith, Dashenko Richardo i Shairon Martis (Lincoln Saltdogs, Liga Independiente) Smith a bai di 3-2 ku su di 15 honron di temporada ku dos kareda anotá, Ricardo no a mira akshon i Martis a resultá e picher ganador tirando 4 ining sin permití kareda i solamente 1 hit i poncha 1 bateadó i duna 1 base por bola.

Raysheandall Michel (Rome Braves) no a hung a djasabra ayera a bai di 4-0 pa pone su promedio na .254. Kevin Jospehina (Rome Braves, afiliashon Klase A di Atlanta Braves), no a hunga djasabra i djadumingu di 4-0 ku un ponche.

Juremi Profar (Frisco RoughRiders, afiliashon Dòbel A di Texas Rangers) a bai di 4-3 ku su di 8 honron di temporada

Ademar Rifaela (Bowie Baysox, afiliashon Dòbel A di Baltimore Orioles) no tabatin turno djasabra i no a mira akshon ayera

Kirvin Moesquit (Delmarva Shorebirds, afiliashon Klase A di Baltimore Orioles) djasabra a bai di 2-0 ku un base por bola, ku un base por bola i un ponche. Djadumingu Moesquit a bai di 3-1 ku un kareda anotá i un ponche risibí.

Hendrik Clementina (Dayton Dragon, afiliashon Klase A di Cincinnati Reds) djasabra no a hunga i djadumingu e la bai di 5-2, 2 kareda anotá, un honron konektá, un kareda anotá i 2 ponche.

Darren Seferina (Wisconsin Timber Rattlers, afiliashon Klase A di Milwaukee Brewers) djasabra a bai di 4-1 ku un kareda anotá1 ponche i un base robá. Djadumingu e la bai di 4-0 ku un base por bola, i 2 ponche.

Urwin Juaquin (Billings Mustangs, afiliashon Rookie League di Cincinnati Reds) djasabra no a mira akshon I djadumingu a drenta wega den lat i no tabatin turno na bate.

John Polonius, 2b (Richmond Flying Squirrels, afiliashon Dòbel A di San Francisco Giants) djasabra a bai di 0-0 ku un base por bola i djadumingu di 1-0 pa un promedio di .231.

Aldrich De Jongh, OF (Arizona League Dodgers, afiliashon Rookie League di Los Angeles Dodgers) djasabra a bai di4-1, 1 kareda empuhá, 1 base por bola i un ponche i djadumingu e la bai di 3-1, 1 honron, 1 kareda anotá i 1 empuhá, promedio .240

Edmond Americaan, OF (Arizona League Cubs, afliasihon Rookie League di Chicago Cubs) djasabra no a hunga I djadumingu di 4-1 ku un kareda anota i un ponche.

Phildrick Llewellyn (Quebec Capitales, Liga Independiente) a bai di 3-1 djasabra ku un kareda anotá djadumingu den un programa dòbel. Den e promé partido a bai di 2-0 ku un kareda empuhá 1 base por Den e di dos partido Llewelyn a bai di 4-3 ku un kareda anotá, un doblet e i un base robá. Wendell Flranus a habri e di dos partido i a tira seis entrada, permit 6 hit, tira 6 ponche, i un base por bola pa pone su era na 3.14.

Hungadónan ku no a mira akshon

Juan Carlos Sulbaran (Winnipeg Goldeyes, Liga Independiente) a keda lagá den libertat.
Stephen Vidal, C (Arizona League Royals, afiliashon Rookie League di Kansas City Royals) no a mira aktuashon duran te di fin di siman.
Jair Jurrjens (Long Island Ducks, Liga Independiente) tin basta dia sin tira.
Chris Pieters (Myrtle Beach Pelicans, afiliashon Klase A di Chicago Cubs) ta riba lista di hungadónan leshoná
Sharlon Schoop (Norfolk Tides, afiliashon Tripel A di Baltimore Orioles) ta riba lista di hungadónan leshoná.