Krioyonan den MLB (18 di Òktober)

Deporte

Bogaerts pa di 2 biaha den Serie Mundial

Xander Bogaerts (Red Sox) a bai di 4-0 pero mas importante su kompañeronan di ekipo a hasi e trabou ayera pa asina nan gana e seri 4-1 di Houston Astros i bira kampion di Liga Amerikana. Awor nan ta pasa pa Seri Mundial i warda e ganador di Liga Nashonal, sea Schoop i Brewers of Jansen i Dodgers. Seri Mundial ta programa pa ranka sali djamars próksimo na Boston. Bogaerts ta regresá Seri Mundial pa di 2 biaha den su karera. Último biaha tabata na 2013, aña ku Red Sox a a titulá kampion tambe

Kenley Jansen (Dodgers) a sosegá bon ayera despues di tira hopi e último dianan i ta kla pa yuda su ekipo tambe yega Seri Mundial awe nochi. Jansen a keda nominá ayera komo un di e kandidatonan pa relevista di anja di 2018 den Liga Nashonal. Awor su meta ta yega Seri Mundial atrobe i e biaha aki ku mas éksito. Dodgers ta manda Rui (7-3, 1.97 era) riba montikulo awe. Wega ta programa pa kuminsá 8:39 pm

Jonathan Schoop (Brewers) lo trata na bòns bek den un wega ku nan mester gana awe nochi sino temporada ta finalisá. Brewers lo trata tur ku tin pa gana awe nochi na kas i forsa un di 7 wega desisivo mayan. Milwaukee Brewers lo manda Miley (5-2, 2.57 era) riba montikulo awe nochi.