Kenley i Dodgers pa Seri Mundial

Kenley Jansen (Dodgers) un biaha mas krusial ayera pa su ekipo i manera a premira a keda usa den otro forma pa asina guia su ekipo na e viktoria. Awor Kenley i Dodgers ta regresa Seri Mundial pa di dos anja sigui awor kontra Boston Red Sox. Kenley a drenta wega ayera den di 7 ining pa asina kalma e situashon, saka su out i tira den di 8 tambe i saka tur tres bateador out mesora. El a tira 1 ining i un tersio sin permiti kareda ni hit i poncha 3 bateador

Jonathan Schoop (Brewers) ku e derota ayera, Schoop i Brewers a keda elimina for di post temporada. Tog un temporada un poko desaputante pa e pelotero yui di Korsou mirando ku tantu temporada i post temporada no a bai manera e mes lo a desea. Importante tog ku el a eksperensia post temporada i ku esaki lo yuda den futuro. Ayera Schoop a drenta bati komo emergente den di 2 ining i a bai di 1-0. Awor ta sosega pa kuminsa prepara pa 2019