Krioyonan den MLB (2 di Òktober)

Deporte

Didi i Yankees den wega klave awe

Didi Gregorius (Yankees) un wega importantísimo awe pa Didi i Yankees den wega di Wild Card kontra di Oakland Athletics na kas. Ganadó ta sigui i lo topa Boston Red Sox den Seri di Divishon miéntras e pèrdèdó ta bai kas. Yankees lo manda Severino (19-8, 3.39 era) riba montikulo. Wega ta tuma lugá 8:00pm.

Ozhaino Albies (Braves) a biaha ayera pa Los Angles pa mayan pa enfrentá su paisano Kenley Jansen i Dodgers den e Seri di Divishon mihó di 5. Pa Braves lo ta riba montikulo Foltynewics (13-10, 2.85 era).

https://twitter.com/Braves/status/1047202333623504896

Jonathan Schoop (Brewers) tabatin nan dia di sosiegu i awor sa ku nan lo enfrentá Colorado Rockies ku a gana Cubs ayera den e wega di Wild Card. Brewers lo topa Rockies e ora ei den Seri di Divishon mayan na kas den e Seri di mihó di 5.

Kenley Jansen (Dodgers) tabatin nan dia di sosiegu i awor Kenley i Dodgers ta kla pa topa Ozzie Albies i Braves na kas den Seri di Divishon ku ta mihó di 5 ku ta inisiá mayan. Dodgers a nombra Ryu (7-3, 1.97 era) pa habri e wega.

Xander Bogaerts (Red Sox) ta sigui sosega i sinta warda awor wak kua ekipo nan ta bai topa den playoff djabièrnè. Esei lo keda determiná awe despues di e wega entre New York Yankees i Oakland Athletics.