Didi ta spera di por ta bÈk pa playoff despues di a leshoná djasabra

Didi Gregorius (Yankees) djasabra Didi a bai di 4-1 ku 1 kareda anotá i a risibí 1 base por bola. E kareda ku a hinka New York Yankees ofisialmente den post temporada komo e promé ekipo di di wildcard den Liga Amerikana, parse lo kosta e ekipo. Didi Gregorius kende a anotá e kareda pa laga Baltimore Orioles den tereno djasabra, a leshoná su pòls durante su slide na home. Didi a indiká ku su pòls a pega bou di dje durante e sliding. E speransa ta grandi ku Didi lo ta kla pa playoff

Ozhaino Albies (Braves) djasabra a bai di 3-0 ku 1 base por bola risibí.  Ayera Ozzie a drenta bati komo emergente den di 5 ining i a bai di 1-0. Den fin di siman Braves a titulá kampion di nan divishon i ta bai prepará awor pa post temporada. E promé post temporada pa Ozzie tambe.

Andrelton Simmons (Angels) djasabra a bai di 4-2 ku 1 kareda empuhá. El a konektá su di 26 doblete di temporada. Ayera a bai di 3-0 per ta sali wega despues di a leshoná su rudia riba un hungada den tereno.

Kenley Jansen (Dodgers) djasabra a salba su di 37 wega sakando e último dos out nan di wega ámbos pa via di ponche.  Ayera no a mira akshon. Number mágiko pa Dodgers awor ta na 6. https://www.mlb.com/dodgers/video/jansens-37th-save-of-the-season/c-2500723583

Xander Bogaerts (Red Sox) djasabra a bai di 4-1 I ayera a bai di 2-1 i 2 base por bola risibí i ta saka koredor out na plato den tremendo hungada defensivo.

Jurickson Profar (Rangers) djasabra a bai di 3-0 I 1 base por bola risibí i ayera a bai di 4-1. E ta tabatin bunita hungada den defensa.

Jonathan Schoop (Brewers) djasabra a bai di 3-0 i ayera no a mira akshon. Brewers su number mágiko pa klasifiká pa post temporada awor ta na 4.

Play of the day

Na Hapon

Coco Balentien (Yakult Swallows) a bai di 3-1 ayera ku 1 base por bola risibí.

Na Taiwan

Roger Bernadina (Kia Tigers) a bai di 4-1 ayera ku 1 kareda anotá i 1 base por bola risibí.