Bogaerts i Red Sox ta sali fo'i porta dilanti

Xander Bogaerts (Red Sox) a bai di 3-0 ku 1 kareda empuhá i 1 base por bola intenshonal risibí. Ku e viktoria di ayera Red Sox ta pika dilanti 1-0 den e seri mihó di 7 aki. Awe Boston ta manda e picher David Price (16-7, 3.58 era) riba montikulo i promé lansamentu ta programa  pa 8:09 pm. Estadistika ta indiká ku e ekipo ku gana e promé wega na kas den formato di 2-3-2 a gana e seri 61 biaha for di 93 okashon ku ta 66%

Kenley Jansen (Dodgers) no a mira akshon ayera komokiera ku e situashon di wega no tabata adekuá pa Kenley drenta tira pa sea tene wega pèrta of sigurá e wega. Dodgers ya tabata pèrdí na e altura di wega ku Kenley normalmente lo keda yama pa bin picha. Awe Kenley i Dodgers lo trata na bòns bek mandando e picher Hyun-Jin Ryu (7-3, 1.97 era) riba montikulo. Esaki tabata e wega ku temperatura mas friu ku Dodgers a hunga aden e temporada aki. Na momento di wega tabata midi 53 grado Fahrenheit kompará ku e promé wega di Serie Mundial na Los Angeles na 2017 ku tabata 103 grado

Play of the Day