Dodgers obligá pa regresá kas i gana

Kenley Jansen (Dodgers) un biaha mas no a mira akshon ayera ya ku Dodgers tabata pèrdí atrobe. Dodgers awor tin un tarea difísil nan dilanti pero no imposibel. Úniko manera pa nan bira kampion awor ta di trese e seri bek Boston despues di e próksimo 3 weganan na kas. 13 ekipo a bin bek for di un défisit di 0-2 pa gana un seri di mihó di 7. Importante pa Kenley haña un chèns pa picha den e Seri Mundial aki paso esei ta nifiká ku Dodgers ta den tapara pa gana e wega

Xander Bogaerts (Red Sox) a bai di 4-1 ku 1 kareda anotá. Su bataso tabata un doblete. Red Sox a kumpli ku nan tarea di gana nan weganan na kas i awor ta bula pa Los Angeles ku e seri 2-0 na nan fabor. Red Sox lo trata na kaba kos den kas di Dodgers mes pero logrando un viktoria so den e parke di Liga Nashonal sin bateadó designa, nan lo ta satisfecho. E último 15 ekiponan ku a tuma un bentaha di 2-0 den Serie Mundial a sali kampion

Play of the Day