Wega krusial awe den seri Red Sox - Dodgers

Kenley Jansen (Dodgers) ainda nan lomba no ta kontra di muraya pero awe ta bira un wega hopi importante i krusial pa gana. Perde i kai atras 3-0 den un seri miho di 7 ta kasi imposibel pa bin bek for di un défisit grandi asina. Pa kuminsá e wer awor ta mas den fabor di Dodgers, un temperatura na ora di wega lo tin un diferensia di 35 grado Fahrenheit mas kalor. Buehler (8-5, 2.62 era) lo ta riba montikulo pa Dodgers i ku speransa ku nan por tene e wega pa Kenley por debutá awe si den World Series 2018 pa por drenta den último ining i hasi su trabou

"Na mi un chens"

Xander Bogaerts (Red Sox) despues ku ayera tabata dia di biahe pa Los Angeles, awe e seri ta reanudá ku Boston dilanti 2-0 den e seri mihó di 7 i den e asina yama ‘driver seat’. Awe Red Sox lo manda Porcello (17-7, 4.28 era) riba montikulo i promé lansamentu lo ta 8:09 pm. Den e próksimo tres weganan den parke di Dodgers, Red Sox ta pèrdè un bate fuerte di e bateador designa. Hopi pensamentu kon e ekipo ta bai atendé ku esaki. No ta sigur tampoko ku J.D. Martinez lo por hunga pa motibu di un leshon leve na su ènkel

Xander Bogaerts klave pa su ekipo