Krioyonan den MLB (26 di Òktober)

Deporte

Kenley i Dodgers tabatin mester di 2 wega pa gana 1 wega

Kenley Jansen (Dodgers) no a figura den e desishon di e wega di ayera pero den di 8 ining el a permití un honron ku a empatá e wega na 1-1. Esaki tabata Kenley su úniko fayo di anochi i lamentablemente mester a paga karu pa esaki. Bon ta ku su kompañeronan di ekipo a logra bin bek pa e viktoria sumamente importante ayera pa hasi e seri awor 2-1 na fabor di Red Sox. Kenley a tira 2 ining atrobe permití 1 kareda riba e hit ei i poncha 2 bateadó. Dodgers tabatin mester di 18 ining pues de fakto a hunga dos wega pa gana e wega aki

https://www.mlb.com/redsox/video/bradleys-game-tying-solo-smash/c-2517869183?tid=63106348

Xander Bogaerts (Red Sox) a bai di 8-0 den e wega maratóniko aki ku a bai den historia di World Series komo esun di mas largu, 18 ining. Apesar di e derota Boston Red Sox ainda tin e bentaha den e seri mihó di 7 aki 2-1. Awor ta di wak kua di dos ekiponan aki ta bòns bek for di e anochi largu pa subi tereno awe nochi ya ku pa 8:09 tin e promé lansamentu