Bogaerts i Red Sox ke kaba kos awe nochi

Xander Bogaerts (Red Sox) a bai di 4-1 ku 1 kareda empuha i 1 kareda anota. Tambe el a risibi 1 base por bola. Mas importante ku e viktoria ayera Bogaerts i Red Sox ta na rant di otro titulo mundia. Esaki lo ta di 2 pa Bogaerts kaba di su karera. Awe nochi Red Sox lo manda David Price (16-7, 3.58) pa purba gana e di 4 wega den seri di miho di 7 aki. Prome lansamentu di wega #5 ta 8:15 pm

Kenley Jansen (Dodgers) pa di dos anochi sigui ta permiti un honron pa empata wega den di 8 ining. E no ta aparese den e desishon final di wega pero a tira 1 ining i permiti 1 kareda riba e uniko bataso ei. El a ponche 1 bateador. Awor Kenley i Dodgers ta lomba kontra muraya i mester trata di bin bek di e derota devastador ayera anochi pa trata na alarga e seri aki. Dodgers lo trata na hasi esaki ku nan estelar Kershaw riba montikulo ku no tabatin un muchu bon aparishon den e prome wega di Seri Mundial

Play of the Day