Dia Inougural pa nos hungadónan lokal

Temporada 2019 di MLB a ranka sali ayera i ku esei naturalmente ta nifiká ku nos peloteronan profeshonal a kuminsá mira akshon. Aparte ku Didi Gregorius ku ta riba lista di hungadónan leshoná, Kenley Jansen ta bek den bulpen ku Los Angeles Dodgers,  Ozzie Albies na segunda pa Atlanta Braves , Andrelton Simmons den short pa Los Angeles Angels, Jurickson Profar ku su ekipo nobo, Oakland Athletics ayera na primera base i Jonathan Schoop tambe a debutá ku Minnesota Twins na segunda base. Xander Bogaerts ta bek den short pa Boston Red Sox kla pa defendé nan título. Un temporada nobo ku speransa nobo i for di aki EXTRA ta deseo tur nos peloteronan profeshonal tur klase di éksito.

Jurickson Profar (A’s) a bai di 4-1 ku su promé tripel di temporada i ku 1 kareda anotá

Ozhaino Albies (Braves) a bai di 4-1 ayera

Andrelton Simmons (Angels) a  bai di 3-0 ayera ku 1 base por bola risibí

Jonathan Schoop (Twins) a bai di 2-0 ayera

Xander Bogaerts (Red Sox) a bai di 4-1 ku su promé doblete di temporada

Kenley Jansen (Dodgers) no a mira akshon ayera

Didi Gregorius (Yankees) ta riba lista di hungadónan leshoná i no ta programa pa mira akshon te despues di Wega di Tur Strea

Na Hapon

Coco Balentien (Yakult Swallows) ta inisiá su temporada awe