Ozzie ku bon anochi

Ozhaino Albies (Atlanta Braves) a bai di 4-3 ayera ku su promé honron di 2019 ku 1 kareda empuhá i 1 kareda anotá. Tambe risibí 1 base por bola i roba un base

Kenley Jansen (Los Angeles Dodgers) pa di dos anochi sigui ta salba e viktoria pa e ekipo di Dodgers. Jansen a tira un ining perfekto retirando tur tres bateadó ku el a  enfrentá i poncha un di nan. Esaki ta su di tres wega salba pa 2019

Jurickson Profar (Oakland A’s) a bai di 4-1 ayera. El a kometa un eror den tiru ayera

Xander Bogaerts (Boston Red Sox) no a mira akshon ayera

Andrelton Simmons (Los Angeles Angels) no tabatin wega ayera

Jonathan Schoop (Minnesota Twins) no a mira akshon ayera

Didi Gregorius (New York Yankees) ta riba lista di hungadónan leshoná i no ta programa pa mira akshon te despues di Wega di Tur Strea.

Na Hapon

Coco Balentien (Yakult Swallows) a bai di 4-1 ayera ku 1 kareda empuhá.