Krioyonan den MLB (31 di yüli)

Deporte

Didi a bai di 3-2 ayera

Didi Gregorius (Yankees) a bai di 3-2 ku 1 kareda empuhá i 1 kareda anotá i 1 base por bola risibí

Jonathan Schoop (Brewers) no a mira akshon ayera komo ku e tabata biahando pa uni su mes ku su ekipo nobo, Milwaukee Brewers. Ku tur probabilidat awe lo ta den wega. Ironia ta ku e lo topa su eks kompañero di ekipo Manny Machado ku awor ta ku Dodgers

Jurickson Profar (Rangers) a drenta bati komo emergente i a bai di 1-0

Andrelton Simmons (Angels) no a mira akshon ayera

Ozhaino Albies (Braves) a bai di 5-2 ayera ku 1 kareda empuhá i 1 kareda anotá

Xander Bogaerts (Red Sox) a bai di 3-1 ku 1 kareda empuhá. El a konektá su di 31 doblete di temporada

Kenley Jansen (Dodgers) no a mira akshon ayera

LUPA RIBA LIGA MENOR

Shervyen Newton, SS (Kingsport Mets, afiliashon Rookie League di New York Mets) a bai di 5-3 ku 1 kareda empuhá. El a konektá su di 12 doblete di temporada

Jonathan Willems, 3b (Greeneville Reds, afiliashon Rookie League di Cincinnati Reds) a bai di 3-1 ayera

Sherten Apostel, 3b (Bristol Pirates, afiliashon Rookie League di Pittsburgh Pirates) a bai di 5-1 ayera ku 1 kareda empuhá I 1 kareda anotá. El a konektá su di 6 doblete di temporada

Curt Smith, Dashenko Richardo i Shairon Martis (Lincoln Saltdogs, Liga Independiente) Ricardo a bai di 4-0 ayera, Martis a relevá i tira 3 ining sin permití kareda ni hit i Smith no a mira akshon

Kevin Jospehina (Florida Fire Frogs, afiliashon Klase A avansá di Atlanta Braves) no a mira akshon ayera

Raysheandall Michel (Rome Braves, afiliashon Klase A di Atlanta Braves) wega a keda suspendé pa motibu di áwaseru

Juremi Profar (Frisco RoughRiders, afiliashon Dòbel A di Texas Rangers) no a mira akshon ayera

Ademar Rifaela (Bowie Baysox, afiliashon Dòbel A di Baltimore Orioles) no a mira akshon ayera

Sharlon Schoop (Norfolk Tides, afiliashon Tripel A di Baltimore Orioles) ta riba lista di hungadónan leshoná

Kirvin Moesquit (Delmarva Shorebirds, afiliashon Klase A di Baltimore Orioles) a bai di 3-0 ayera

Hendrik Clementina (Dayton Dragon, afiliashon Klase A di Cincinnati Reds) a bai di 4-1 ku su di 14 honron di temporada ku 3 kareda empuhá

Darren Seferina (Wisconsin Timber Rattlers, afiliashon Klase A di Milwaukee Brewers) a bai di 5-2 ku 2 kareda empuhá

Urwin Juaquin (Billings Mustangs, afiliashon Rookie League di Cincinnati Reds) no a mira akshon ayera

John Polonius (Richmond Flying Squirrels, afiliashon Dòbel A di San Francisco Giants) a drenta bati komo emergente i keda den wega despues i bai di 2-0

Stephen Vidal, C (Arizona League Royals, afiliashon Rookie League di Kansas City Royals) no a mira akshon ayera

Aldrich De Jongh, OF (Arizona League Dodgers, afiliashon Rookie League di los Angeles Dodgers) no a mira akshon ayera

Edmond Americaan, OF (Arizona League Cubs, afliasihon Rookie League di Chicago Cubs) a bai di 6-0 ayera

Phildrick Llewellyn (Quebec Capitales, Liga Independiente) a bai di 4-1 ayera ku 2 kareda anotá i 1 base por bola risibi. Floranus no a mira akshon