Simmons a sinti lomba i bandoná wega

Andrelton Simmons (Angels) a bai di 1-0 ayera. El a bandoná wega tempran ayera ora ku den di 3 ining el a sinti un poko doló den su lomba abou. Tin speransa ku ta un leshon leve. “Mi no ta sinti ku no ta nada serio. E no a sosodé riba nada partikular manera un swing of tiru. Simplemente e doló a aparesé.”

Kenley Jansen (Los Angeles Dodgers) no tabatin wega ayera. Miéntras Kenley Jansen ta preparando pa un regreso na Denver e wikènt aki, E closer di Los Angeles Dodgers a atmití ku e biahe tin e un poko nèrvioso. Pa motibu ku ya ta konosí ku e ta bai den e mesun altura haltu kaminda e tabatin su último episodio ku problema ku kurason.

Ozhaino Albies (Atlanta Braves) a bai di 5-2 ayera i a Sali out na home den un intento di robo

Jurickson Profar (Oakland A’s) a bai di 4-0 ayera

Xander Bogaerts (Boston Red Sox) a bai di 2-1 ku 1 kareda empuhá i 2 base por bola risibí.

Jonathan Schoop (Twins) no tabatin wega ayera

Didi Gregorius (Yankees) ta riba lista di hungadónan leshoná i no ta programa pa mira akshon te despues di Wega di Tur Strea.

 Na Hapon

Coco Balentien (Yakult Swallows) a bai di 5-2 ayera ku 1 kareda empuhá