Krioyonan den MLB (4 di Òktober)

Deporte

Schoop (Brewesr) i Jansen (Dodgers) ta pika dilanti den NLDS

Jonathan Schoop (Brewers) a drenta bati komo emergente den di 5 ining ia a bai di 1-0. Brewers a gana 3-2 den forma dramátiko den di 10 ining pa tuma un bentaha di 1-0 den National League Division Series. Awe seri di miho di 5 ta kontinuá ku wega tumando lugá 3:15 pm.

Ozhaino Albies (Braves) den su promé wega di su karera di post temporada a bai di 4-1. Braves a pèrdè e promé wega i awe tin e tarea duru pa bòns bek kontra di Kershaw (9-5, 2.73 era) ku no tabata imbatibel e temporada aki i ku sa tin problema den post temporada. E wega di awe ta programa pa kuminsá 9:37 pm, Sanchez (7-6, 2.83 era) lo ta riba montikulo pa Braves

Kenley Jansen (Dodgers) no a mira akshon ayera komokiera ku Dodgers tabatin un bentaha amplio kaba riba Braves i a bin gana ku skor fásil di 6-0. Awe Dodgers ta bai buska nan di dos victoria den e seri aki di mihó di 5

Didi Gregorius (Yankees) i tur kos ta kla pa Boston Red Sox i New York Yankees renobá nan rivalidat, e biaha aki pa e American League Division Series ku ta ranka sali awe nochi pa 7:32 pm. Pa Yankees lo ta riba montikulo Happ (17-6, 3.65 era) i den short nos krioyo, Didi Gregorius. https://www.mlb.com/yankees/video/happs-game-plan-against-red-sox/c-2513610383?tid=94769534

Xander Bogaerts (Red Sox) lo ta den short awe den e bataya di e rivalnan pero tambe den e bataya di short krioyonan. Red Sox ya a anunsiá ku Sale (12-4, 2.11 era) komo e picher habridó

Jurickson Profar (Rangers) temporada a finalisá. Sifranan final: