Krioyonan den MLB (4 di yüli)

Deporte

Kenley a salba e di 23 wega di 2018.
Kenley Jansen (Dodgers) a salba e di 23 wega di temporada pa su ekipo tirando 1 ining i dos tèrsio sin permití kareda, poncha 3 bateadó i permití 2 hit.

Jurickson Profar (Rangers) a bai di 4-2 ku 2 kareda anotá i 1 kareda empuhá. El a risibí 1 base por bola tambe. https://www.mlb.com/rangers/video/profars-rbi-single/c-2232610583

Ozhaino Albies (Braves) a bai di 5-3 i a roba su di 8 base di temporada. Ku e tres hitnan ayera, Ozzie a surpasá 100 hit kaba den promé mitar di temporada aki. 200 hit den un temporada den MLB ta un sifra mágiko.

Didi Gregorius (Yankees) a bai di 4-2 ku 1 kareda anotá. Didi a konektá su di 15 doblete di temporada.

Jonathan Schoop (Orioles) a bai di 4-2 ayera ku su di 12 doblete di temporada.

Xander Bogaerts (Red Sox) no a mira akshon ayera.

...Xander Bogaerts...

Andrelton Simmons (Angels) a bai di 5-1 ku su di 15 doblete di temporada.

Lupa riba Liga Menor

Shervyen Newton, SS (Kingsport Mets, afiliashon Rookie League di New York Mets) a bai di 4-2 ku 1 kareda empuhá i 1 kareda anotá. El a konektá su di 7 doblete di temporada.

Jonathan Willems, 3b (Greeneville Reds, afiliashon Rookie League di Cincinnati Reds) a bai di 5-2 ku 2 kareda empuhá i 1 kareda anotá. El a konektá su di 3 doblete di temporada.

Curt Smith, Dashenko Richardo i Shairon Martis (Lincoln Saltdogs, Liga Independiente) Smith a bai di 4-1. Ricardo i Martis no a mira akshon.

Raysheandall Michel i Kevin Jospehina (Florida Fire Frogs, afiliashon Klase A di Atlanta Braves) wega a keda suspendé pa motibu di áwaseru.

Juremi Profar (Frisco RoughRiders, afiliashon Dòbel A di Texas Rangers) a bai di 4-0 ayera.

Ademar Rifaela (Bowie Baysox, afiliashon Dòbel A di Baltimore Orioles) Rifaela a bai di 5-3 ku 2 kareda anotá i 1 kareda empuhá. El a konektá su di 13 doblete di temporada.

Sharlon Schoop (Norfolk Tides, afiliashon Tripel A di Baltimore Orioles) no a mira akshon ayera.

Kirvin Moesquit (Delmarva Shorebirds, afiliashon Klase A di Baltimore Orioles) a bai di 4-1 ayera i a roba su di 34 base di temporada.

Hendrik Clementina (Dayton Dragon, afiliashon Klase A di Cincinnati Reds) no a mira akshon ayera.

Darren Seferina (Wisconsin Timber Rattlers, afiliashon Klase A di Milwaukee Brewers) a bai di 4-0 ku 1 kareda anotá. E yu di Kòrsou, Hainley Statia ta e coach di bateo di e ekipo aki.