Krioyonan den MLB (5 di Òktober)

Deporte

Kenley a dal porta sera pa Braves

Kenley Jansen (Dodgers) a salba su promé wega di pos temporada 2018 tirando 1 ining i no a permití kareda i solamente 1 hit, poncha 1 bateadó pa asina posishoná su ekipo ku un victoria mas pa pasa pa playoff final di Liga Nashonal. Dodgers i Kenley lo trata na kaba kos mayan na Atlanta mes

https://www.mlb.com/dodgers/video/jansen-ks-freeman-earns-save/c-2514216083?tid=10025790

Ozhaino Albies (Braves) a bai di 3-0 ayera den segundo derota di Braves na man di Dodgers. Awor atras 2-0 den e seri di mihó di 5, nan ta lomba kontra muraya. E siguiente wega ta na kas mayan (8:07 pm) i ta wak si por keda na bida. Un viktoria mas pa Dodgers i tur kos a kaba

Didi Gregorius (Yankees) a bai di 4-1 ayera ku 1 kareda empuhá den un wega elektrisante unda Yankees a bataya bek for di 5-0 abou pa pèrdè tòg 5-4. Awor 1-0 atras den e seri di mihó di 5, Yankees lo trata na igualá awe nochi 8:15

https://www.mlb.com/yankees/video/gregorius-rbi-fielders-choice/c-2514085383?tid=94769534

Xander Bogaerts (Red Sox) a bai di 3-1 ku 1 kareda empuhá. Red Sox a kue un victoria importante pa pika dilanti 1-0 den e seri aki di mihó di 5 kontra nan rivalnan di tur tempu Yankees. Awe lo bai trata na kue e di dos viktoria

Jonathan Schoop (Brewers) a drenta bati komo emergente den di 7 ining i a bai di 1-0. Schoop i Brewers ta na un viktoria pa gana e seri aki i asina pasa pa playoff final di Liga Nashonal. Siguiente wega ta mayan na Colorado pa 4:37 pm