Krioyonan den MLB (5 di September)

Deporte

Simmons ta benta su di 10 afó

Andrelton Simmons (Angels) a bai di 5-2 ku 3 kareda empuhá i 1 anotá. El a konektá su di 10 honron di temporada

Ozhaino Albies (Braves) a bai di 5-1 ku 2 kareda empuhá i 1 kareda anotá. El a konektá su di 4 tripel di temporada. Tabatin un bunita hungada defensivo tambe

Kenley Jansen (Dodgers) a tira un 1 ining sin permití kareda ni hit. El a poncho dos bateadó. No tabata un situashon di salba wega. Ayera Dodgers a informá ofisialmente ku Kenley no ta kompaña e ekipo pa Colorodo pa e propisio serie debí na su situashon ainda ku su kurason. Tabata na Colorado unda Kenley a kuminsá sinti malu debí na e altura di e siudat di Denver. Esaki mas bien ta un medida di prekoushon.

Jonathan Schoop (Brewers) a bai di 4-1 ku 2 kareda empuhá

Jurickson Profar (Rangers) a bai di 4-0 ayera.

Xander Bogaerts (Red Sox) a drenta bati komo emergente den di 8 ining i a risibí un base por bola.

Didi Gregorius (Yankees) riba lista di hungadónan leshoná. Tur kos ta indiká ku mayan e lo keda aktivá pa e serie kontra Seattle Mariners.

Lupa riba Liga Menor

Shervyen Newton, SS (Kingsport Mets, afiliashon Rookie League di New York Mets) temporada a finalisá. Newton a kaba ku un averahe di .280 produkto di 58 hit den 207 207 turno na bate. El a konektá 5 honron, 2 tripel i 16 doblete (lider di su ekipo). El a empuhá 41 kareda (di dos mas tantu di Kingsport) i anotá 50, mas ku tur otro hungadó di su ekipo.

Jonathan Willems, 3b (Greeneville Reds, afiliashon Rookie League di Cincinnati Reds) temporada a finalisá. Willems a kaba ku un averahe di .263 ku ta produkto di 57 hit (di dos mas tantu den e ekipo) den 217 turno na bate. E tabatin 13 doblete (lider den ekipo), 4 tripel (lider di ekipo) i 8 honron konektá(di dos mas tantu den ekipo). El a anotá 30 kareda (di dos di ekipo) i empuhá 39 ku tabata a hasié lider di e ekipo den e kategoria aki.

Sherten Apostel, 3b (Spokane Indians, afiliashon Rookie League di Texas Rangers) a bai di 5-1 ayera.

Curt Smith, Dashenko Richardo i Shairon Martis (Lincoln Saltdogs, Liga Independiente) temporada a finalisá. Smith a liberá su ekipo ku 115 hit, 74 kareda empuhá i 44 èkstra base miéntras el a kaba di dos den averahe ku .315. Ricardo a kaba ku un averahe di .269 i Martis a kaba ku un rèkert di 3-5 ku era di 5.00.

Raysheandall Michel i Kevin Jospehina (Rome Braves, afiliashon Klase A di Atlanta Braves) Josephina a bai di 3-1 i Michel a bai di 3-0 ayera.

Juremi Profar (Frisco RoughRiders, afiliashon Dòbel A di Texas Rangers) temporada a finalisá. Profar a kaba ku un averahe di .232 ku ta produkto di 81 hit den 349 turno na bate. E tabatin 10 honron I 12 doblete konektá.

Ademar Rifaela (Bowie Baysox, afiliashon Dòbel A di Baltimore Orioles) temporada a finalisá. Rifaela a kaba ku un averahe di .265 ku ta produkto di 95 hit den 359 turno na bate. E tabatin 7 honron, 2 tripel I 22 doblete konektá.

Kirvin Moesquit (Delmarva Shorebirds, afiliashon Klase A di Baltimore Orioles) temporada a finalisá. Moesquit a kaba ku un averahe di .251 ku ta produkto di 103 hit den 411 turno na bate. El a roba 49 base.

Hendrik Clementina (Dayton Dragon, afiliashon Klase A di Cincinnati Reds) temporada a finalisá. Clementina a kaba ku un averahe di .268 ku ta produkto di 91 hit den 340 turno na bate ku 18 honron, 1 tripel i 22 doblete.

Darren Seferina (Wisconsin Timber Rattlers, afiliashon Klase A di Milwaukee Brewers) temporada a finalisá. Seferina a kaba ku un averahe di .242 ku ta produkto di 58 hit den 240 turno na bate.

Urwin Juaquin (Billings Mustangs, afiliashon Rookie League di Cincinnati Reds) temporada a finalisá. Juaquin a kaba ku un averahe di .205 ku ta 17 hit den 83 turno na bate.

John Polonius, 2b (Richmond Flying Squirrels, afiliashon Dòbel A di San Francisco Giants) temporada a finalisá. Polonius a kaba ku un averahe di .222 ku ta produkto di 18 hit den 81 turno na bate. El a konektá 4 doblete i 1 honron. Polonius a hunga den otro ekipo tambe den temporada pues e sifranan aki ta indiká su periodo ku Richmond. El a anotá 12 kareda i empuhá 7.

Stephen Vidal, C (Arizona League Royals, afiliashon Rookie League di Kansas City Royals) temporada a finalisá. Vidal a kaba ku un averahe di .286 ku ta produkto di 12 hit den 42 turno na bate.

Aldrich De Jongh, OF (Arizona League Dodgers, afiliashon Rookie League di los Angeles Dodgers) a keda promové pa e ekipo Ogden Raptors, Klase A pa yuda den playoff. Ayera el a drenta komo koredor emergente den di 9 ining.

Edmond Americaan, OF (Arizona League Cubs, afliasihon Rookie League di Chicago Cubs) temporada a finalisá. Americaan a kaba ku un averahe di .295 ku ta produkto di 33 hit den 112 turno na bate.

Phildrick Llewellyn i Wendell Floranus (Quebec Capitales, Liga Independiente) no a mira akshon ayera.

Jair Jurrjens (Long Island Ducks, Liga Independiente) ta riba lista di hungadónan leshoná.

Chris Pieters (Myrtle Beach Pelicans, afiliashon Klase A di Chicago Cubs) temporada a finalisá. Pieters a kaba ku un averahe di .226 ku ta produkto di 21 hit den 93 turno na bate. E tabata leshoná pa gran parti di temporada.

Sharlon Schoop (Norfolk Tides, afiliashon Tripel A di Baltimore Orioles) temporada a finalisá. Schoop a kaba ku un averahe di .125 ku ta produkto di 1 hit den 8 turno na bate. El a hunga pa diferente ekipo durante temporada i e sifranan aki ta reflehá su aktuashon ku Norfolk. Ademas Schoop tabata leshoná pa gran parti di temporada.

Play of the day

Na Hapon

Coco Balentien (Yakult Swallows) a bai di 4-1 ayera.