Krioyonan den MLB (6 di September)

Deporte

Un dia di sosiegu pa mayoria di nos krioyonan

Ayera tabata un dia di biahe pa mayoria ekipo di nos peloteronan krioyo den Liga Grandi pa awe start nan seri nobo di fin di siman. Manera ta konosí Kenley Jansen no a biaha ku Dodgers pa Denver, Colorado komo medida di prekoushon pa su salu. Ta einan Kenley a sinti batimentu robes di su kurason debí na e haltura di e siudat aki. Awe lo por tin bon notisia ora ku Yankees kuminsá ku nan seri kontra Mariners i ku tur probabilidat Didi Gregorius lo keda aktivá despues di kasi dos siman rekuperando di un leshon na su keit.

Ozhaino Albies (Braves) a bai di 5-1 ayera.

Hungadónan ku no a mira akshon ayera

Andrelton Simmons (Angels)
Kenley Jansen (Dodgers)
Jonathan Schoop (Brewers)
Jurickson Profar (Rangers)
Xander Bogaerts (Red Sox)

Didi Gregorius (Yankees) riba lista di hungadónan leshoná. Tur kos ta indiká ku mayan e lo keda aktivá pa e serie kontra Seattle Mariners awe.

Lupa riba Liga Menor

Sherten Apostel, 3b (Spokane Indians, afiliashon Rookie League di Texas Rangers) a bai di 4-0 ayera

Raysheandall Michel i Kevin Jospehina (Rome Braves, afiliashon Klase A di Atlanta Braves) no tabatin wega ayera.

Aldrich De Jongh, OF (Arizona League Dodgers, afiliashon Rookie League di los Angeles Dodgers) a keda promové pa e ekipo Ogden Raptors, Klase A pa yuda den playoff. Ayera el a bai di 3-1.

Shervyen Newton, SS (Kingsport Mets, afiliashon Rookie League di New York Mets) temporada a finalisá. Newton a kaba ku un averahe di .280 produkto di 58 hit den 207 207 turno na bate. El a konektá 5 honron, 2 tripel i 16 doblete (lider di su ekipo). El a empuhá 41 kareda (di dos mas tantu di Kingsport) i anotá 50, mas ku tur otro hungadó di su ekipo.

Jonathan Willems, 3b (Greeneville Reds, afiliashon Rookie League di Cincinnati Reds) temporada a finalisá. Willems a kaba ku un averahe di .263 ku ta produkto di 57 hit (di dos mas tantu den e ekipo) den 217 turno na bate. E tabatin 13 doblete (lider den ekipo), 4 tripel (lider di ekipo) i 8 honron konektá(di dos mas tantu den ekipo). El a anotá 30 kareda (di dos di ekipo) i empuhá 39 ku tabata a hasié lider di e ekipo den e kategoria aki

Curt Smith, Dashenko Richardo i Shairon Martis (Lincoln Saltdogs, Liga Independiente) temporada a finalisá. Smith a liberá su ekipo ku 115 hit, 74 kareda empuhá i 44 èkstra base miéntras el a kaba di dos den averahe ku .315. Ricardo a kaba ku un averahe di .269 i Martis a kaba ku un rèkert di 3-5 ku era di 5.00.

Juremi Profar (Frisco RoughRiders, afiliashon Dòbel A di Texas Rangers) temporada a finalisá. Profar a kaba ku un averahe di .232 ku ta produkto di 81 hit den 349 turno na bate. E tabatin 10 honron I 12 doblete konektá

Ademar Rifaela (Bowie Baysox, afiliashon Dòbel A di Baltimore Orioles) temporada a finalisá. Rifaela a kaba ku un averahe di .265 ku ta produkto di 95 hit den 359 turno na bate. E tabatin 7 honron, 2 tripel I 22 doblete konektá.

Kirvin Moesquit (Delmarva Shorebirds, afiliashon Klase A di Baltimore Orioles) temporada a finalisá. Moesquit a kaba ku un averahe di .251 ku ta produkto di 103 hit den 411 turno na bate. El a roba 49 base.

Hendrik Clementina (Dayton Dragon, afiliashon Klase A di Cincinnati Reds) temporada a finalisá. Clementina a kaba ku un averahe di .268 ku ta produkto di 91 hit den 340 turno na bate ku 18 honron, 1 tripel i 22 doblete.

Darren Seferina (Wisconsin Timber Rattlers, afiliashon Klase A di Milwaukee Brewers) temporada a finalisá. Seferina a kaba ku un averahe di .242 ku ta produkto di 58 hit den 240 turno na bate

Urwin Juaquin (Billings Mustangs, afiliashon Rookie League di Cincinnati Reds) temporada a finalisá. Juaquin a kaba ku un averahe di .205 ku ta 17 hit den 83 turno na bate

John Polonius, 2b (Richmond Flying Squirrels, afiliashon Dòbel A di San Francisco Giants) temporada a finalisá. Polonius a kaba ku un averahe di .222 ku ta produkto di 18 hit den 81 turno na bate. El a konektá 4 doblete i 1 honron. Polonius a hunga den otro ekipo tambe den temporada pues e sifranan aki ta indiká su periodo ku Richmond. El a anotá 12 kareda i empuhá 7.

Stephen Vidal, C (Arizona League Royals, afiliashon Rookie League di Kansas City Royals) temporada a finalisá. Vidal a kaba ku un averahe di .286 ku ta produkto di 12 hit den 42 turno na bate.

Edmond Americaan, OF (Arizona League Cubs, afliasihon Rookie League di Chicago Cubs) temporada a finalisá. Americaan a kaba ku un averahe di .295 ku ta produkto di 33 hit den 112 turno na bate.

Hungadónan ku no a mira akshon ayera

Phildrick Llewellyn i Wendell Floranus (Quebec Capitales, Liga Independiente)
Jair Jurrjens (Long Island Ducks, Liga Independiente) ta riba lista di hungadónan leshoná
Chris Pieters (Myrtle Beach Pelicans, afiliashon Klase A di Chicago Cubs) temporada a finalisá. Pieters a kaba ku un averahe di .226 ku ta produkto di 21 hit den 93 turno na bate. E tabata leshoná pa gran parti di temporada
Sharlon Schoop (Norfolk Tides, afiliashon Tripel A di Baltimore Orioles) temporada a finalisá. Schoop a kaba ku un averahe di .125 ku ta produkto di 1 hit den 8 turno na bate. El a hunga pa diferente ekipo durante temporada i e sifranan aki ta reflehá su aktuashon ku Norfolk. Ademas Schoop tabata leshoná pa gran parti di temporada

Play of the day

Na Hapon

Coco Balentien (Yakult Swallows) a bai di 3-0 ku 1 base por bola risibí.