Krioyonan den MLB (6 i 7 di Òktober)

Deporte

Schoop i Brewers ta pasa pa playoff final di Liga Nashonal

Jonathan Schoop (Brewers) no a mira akshon pero si a mira su ekipo gana e serie 3-0 i pasa pa playoff final di Liga Nashonal. Brewers awor ta drumi warda ken ta sali e ekipo ganador den e seri entre Los Angeles Dodgers i Atlanta Braves. E promé wega di playoff lo ta djabièrnè awor 12 di òktober den un seri di mihó di 7

Ozhaino Albies (Braves) a bai di 3-1 ku 1 kareda anotá. Mas importante e victoria di Braves ta tene nan na bida den e seri di divishon aki kontra di Dodgers ku awor ta 2-1 na fabor di e ekipo Los Angeles. Braves mester gana e wega di awe (4:30 pm) pa mantené e speransa bibu di yega playoff final di Liga Nashonal

Kenley Jansen (Dodgers) no a mira akshon ayera i awe lo tin un wega krusial, ku un viktoria Dodgers ta sigurá nan pase pa playoff final di Liga Nashonal. Ku un derota e seri ta bai bai Los Angeles pa un wega desisivo. Dodgers lo ke kaba kos awe mes na Atlanta

Didi Gregorius (Yankees) djasabra a bai di 4-0 pero Yankees a logro kita un wega importante na kas di Red Sox pa igualá e seri na 1-1. Awe e seri mihó di 5 ta reanudá na New York i promé lansamentu lo ta 7:40 pm ku Severino (19-8) riba montikulo pa Yankees

Xander Bogaerts (Red Sox) djasabra a konektá su promé honron di post temporada 2018 i a bai di 4-1. Awe su ekipo, Red Sox lo trata na bòns bek mandando Eovaldi (6-7) riba montikulo kontra Yankees